📢 21 май, сешанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Омбудсманга 2024 йил 1-чоракда фуқаролардан келиб тушган мурожаатлар ва уларни кўриб чиқиш натижалари
⚫️Вақти: 10:00
⚫️Иштирок этади: Фотима Мадраҳимова, Олий Мажлиснинг Инсон ҳуқуқлари бўйича вакили (омбудсман) ахборот хизмати раҳбари
😉😉😉😉😉

⚫️Мавзу: "Кучли зилзилалар таъсирида Тошкент шаҳрининг талофатланиш даражасини иқтисодий баҳолаш имконини берувчи рақамли симуляцион модели" ишга туширилиши юзасидан
⚫️Вақти: 12:00
⚫️Иштирок этади: Гулноза Шарафова, Фанлар академияси ахборот хизмати раҳбари
😉😉😉😉😉

⚫️Мавзу: "Ҳаж-2024" мавсумига кўрилаётган тайёргарлик масалалари
⚫️Вақти: 15:00
⚫️Иштирок этади: Илҳом Маърупов, Дин ишлари бўйича қўмитаси ахборот хизмати раҳбари
😉😉😉😉😉

Telegram | Facebook | Instagram | Youtube | Медиабанк

🔍 Омбудсманга 2024 йил 1-чоракда фуқаролардан келиб тушган мурожаатлар ва уларни кўриб чиқиш натижалари

АОКАда Олий Мажлиснинг Инсон ҳуқуқлари бўйича вакили (омбудсман) ахборот хизмати раҳбари Фотима Мадраҳимова иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

⏸ Жонли эфир
〰️〰️〰️〰️

Telegram | Facebook | Instagram | Youtube | Медиабанк

📊 Омбудсманга ўтган биринчи чоракда келиб тушган мурожаатларнинг 42,1 % хотин-қизлардан, 57,9% эркакларга тўғри келади

Бу ҳақда АОКАда ўтказилган брифингда Олий Мажлиснинг Инсон ҳуқуқлари бўйича вакили (омбудсман) ахборот хизмати раҳбари Фотима Мадраҳимова маълум қилди.

Жами мурожаатларнинг 25,4% ижтимоий, 24,2% иқтисодий, 18,6% шахсий, 14,8 % ҳаракатланиш эркинлиги чекланган шахслар сақланадиган жойларда ушлаб турилган шахсларнинг ҳуқуқ ва қонуний манфаатларини таъминлашга, 9,4% фуқаролик ва мурожаат қилиш ҳуқуқига, 1,3% бола ҳуқуқларига, 0,8% экологик ҳуқуқ ва 5,5% бошқа масалаларга тегишли.

2024 йил 3 ойи давомида Омбудсман томонидан фуқароларнинг мурожаатлари асосида ундирилган ҳамда ундириш белгиланган маблағлар 299,4 млн.сўмни ташкил этди.

Омбудсманга мурожаатига асосан, хотин-қизларнинг вояга етмаган фарзандлари таъминоти учун 52 млн сўмга яқин алимент тўловлари ундирилиши таъминланди. Алимент тўлашдан бош тортган 2 нафар шахс маъмурий жавобгарликка тортилган, 3 та ҳолатда эса жиноят иши қўзғатилган.

Шунингдек, мурожаатларга 122 млн 400 минг сўмга яқин моддий ёрдам, тадбиркорлик билан шуғулланиш учун субсидия ва бошқа турдаги молиявий қўллаб-қувватлаш учун молиявий ёрдам ажратилишида кўмаклашилди.

✍️ Батафсил

Telegram | Facebook | Instagram | Youtube | Медиабанк

💬 Сейсмология институти олимлари томонидан "Кучли зилзилалар таъсирида Тошкент шаҳрининг талофатланиш даражасини иқтисодий баҳолаш имконини берувчи рақамли симуляцион модели" ишга туширилиши юзасидан

АОКАда Фанлар академияси ахборот хизмати раҳбари Гулноза Шарафова иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

⏸ Жонли эфир
〰️〰️〰️〰️

Telegram | Facebook | Instagram | Youtube | Медиабанк

📈 Тошкент шаҳри ҳудудида магнитудаси М≤6,5 бўлган зилзилалар содир бўлиш хавфи бор

Бу ҳақда АОКАда ўтказилган брифингда Фанлар академияси ахборот хизмати раҳбари Гулноза Шарафова маълум қилди.

Тарихий ва инструментал маълумотлар базасига кўра шаҳар ҳудудида 1868, 1886, 1924 ва 1966 йилларда магнитудаси М=6.5, М=6.0 ва М=5.3 сейсмик жадаллиги бўйича 7,8 - 9 баллик зилзилалар қайд қилинган.

Шунингдек 1980 йилда магнитудаси М=5.5 бўлган сейсмик жадаллиги 8 баллган тенг Назарбек зилзиласи содир бўлган.

Лойиҳани амалиётга тадбиқ этиш орқали замонавий IT-технологиялари асосида Тошкент шаҳрининг муҳандис-геологик шароитини ва бино-иншоотларнинг конструктив турларини ҳамда уларнинг сейсмик заифликларини аниқлаб ҳисобга олган ҳолда ҳудудда содир бўлиш эҳтимоли юқори бўлган 7, 8 ва 9 баллик зилзилалардаги иқтисодий талафотларини баҳолашнинг илмий асосланган симиляцион модели ишлаб чиқилади.

Тадқиқот натижасида грунт ва биноларнинг тизимли тебраниш хусусиятлари аниқланади ва эпицентрал зоналардаги ва ундан ташқарисида сейсмик тебранишларнинг тарқалиши ва сўниш кўрсаткичлари математик моделлаштириш асосида баҳоланади.

Шунингдек, ҳудуднинг ҳар бир нуқтаси учун зилзиланинг манба параметрлари асосида синтетик акселерограмма яратилади.

Тошкет шаҳри ҳудудида содир бўлиш эҳтимоли юқори бўлган зилзила ўчоғларининг сейсмик хавфи баҳоланади.

📌 Батафсил

Telegram | Facebook | Instagram | Youtube | Медиабанк

❗️Тошкент шаҳар ҳокимлиги кўчаларини ва чорраҳаларини реконструкция қилиш ва таъмирлаш ишлари олиб борилаётгани юзасидан қўшимча маълумот берди

20 май куни Қорасарой кўч. Нурафшон кўч. билан кесишмасидан А. Қодирий кўч. билан кесишмасигача, ҳамда Кичик ҳалқа автомобиль йўли Нурафшон кўч. билан кесишмасидан Қорасарой кўч. билан кесишмасигача таъмирлаш ишлари бошлангани ҳақида хабар берган эдик.

Амалга оширилаётган ишлар жараёнида аҳолининг илтимосига биноан ёритиш тизимлари, фасадлар, дренаж ва ирригация тизимлари, бордюрларни янгилаш, маҳаллаларга кириш йўлларини ободонлаштириш зарурати аниқланди. Шу сабабли, ишлар жорий йилнинг 26 майигача давом этади.

📌Ишни имкон қадар тезроқ якунлаш учун жалб қилинган хизматлар ходимлари кечаю-кундуз ишлайди. Вазиятни тўғри баҳолайсиз деган умиддамиз.

Telegram | Facebook | Instagram | Youtube | Медиабанк

❗️Ижтимоий тармоқларда «Сирдарёда руҳий носоғлом аёл масхара қилинди» сарлавҳа билан тарқалган видеолавҳа бўйича

Ижтимоий ҳимоя агентлиги ахборот хизмати қуйидагиларни маълум қилади:

Ўзбекистон Республикаси Президенти ҳузуридаги Ижтимоий ҳимоя миллий агентлиги Сирдарё вилояти бошқармаси томонидан мазкур ҳолатни ўрганиш учун тузилган ишчи гуруҳ аъзолари суриштируви натижасида маълум бўлишича, ушбу видеолавҳа 2024 йилнинг 26 апрель куни тахминан соат 17:30дан 18:00лар атрофида Сирдарё тумани ногиронлиги бўлган шахслар учун аёллар «Мурувват» интернат уйи ошхонасида «Innovation-Outsorsing-Service» МЧЖ ишчилари О.Ш. ва М.Х.лар томонидан тасвирга олинган.

Улар муассаса ҳудудида эркин сайр қилиб юрган С.Я. ни шифокор, ҳамшира ва кичик тиббий ходимлар (энага) рухсатисиз ошхона биносига олиб кириб, руҳий ҳолатини била туриб мазах қилишган. Мазкур олинган видеолавҳа ошхонада ишловчи ходимларнинг Телеграмдаги гуруҳига ташланган.

Маълумот ўрнида, ўтказилган тендер танловлари асосида МЧЖ томонидан мазкур «Мурувват» интернат уйига аутсорсинг хизматлари кўрсатилиб келинади. С.Я. да ақли заифликнинг оғир даражаси сабабли хулқ атвор бузилиши билан кечувчи руҳий ҳолат тез-тез кузатилади (яъни доимий равишда яқин қариндошларини эслаб уйимга жўнатинг ёки чақириб беринг деб йиғлаш ҳолатлари юзага келади).

Аниқланган ҳолат бўйича фирма раҳбари Искандар Салимовга ўз вақтида хабар берилиб чақиртирилди ва ишчи ходимлар йиғилиб, мажлис ўтказилди. 2024 йил 17 май куни мазкур ҳолат юзасидан туман ИИБга мурожаат қилиниб, аутсорсинг ходимлари О.Ш. ва М.Х.ларнинг хатти-ҳаракатига Ўзбекистон Республикасининг «Ногиронлиги бўлган шахсларнинг ҳуқуқлари тўғрисидаги» Қонунинг 3 ва 4-моддалари юзасидан қонуний чора кўришлик бўйича мурожаат қилинган.

Шундан сўнг, О.Ш. ва М.Х.лар билан тузилган меҳнат шартномаси бекор қилинган ва улар вазифасидан озод қилинган. Сирдарё тумани ИИБ томонидан ҳолат юзасидан суриштирув ишлари якунланиб, МЧЖ ишчилари О.Ш. ва М.Х.ларга нисбатан Ўзбекистон Республикасининг 202/2 моддаси 1-МЖТК моддаси 1-қисмига мувофиқ, энг кам иш ҳаққининг 10 баробари миқдорида жарима тўлаш жазоси белгиланган. Шунингдек, «Innovation-Outsorsing-Service» МЧЖ фирмаси билан тузилган шартномани бекор қилиш учун фирма раҳбари Искандар Салимов номига огоҳлантириш хати чиқарилди.

Таъкидлаш лозимки, аҳолининг ижтимоий ҳимояга муҳтож қатламларининг ҳуқуқларини ҳимоя қилиш, уларга давлат томонидан кўрсатилаётган кафолатланган ижтимоий хизматларни ўз вақтида ва сифатли ташкил этиш юзасидан «Мурувват» уйи ходимлари ўртасида бу каби ҳолатларнинг такрорланмаслиги бўйича тушунтириш ишлари ўтказилди.

Telegram | Facebook | Instagram | Youtube | Медиабанк

🌙Жорий йилда ҳам Ўзбекистон фуқаролари учун умумий ҳаж квотаси 15 000 нафар этиб белгиланди

АОКАда бўлиб ўтган брифингда Дин ишлари бўйича қўмитаси ахборот хизмати раҳбари Илҳом Маърупов "Ҳаж-2024" мавсумига кўрилаётган тайёргарлик ҳақида маълумот берди:

“Ҳаж-2024” мавсумига пухта тайёргарлик ишларини амалга ошириш мақсадида, дастлабки ишчи гуруҳ Саудия Арабистонига етиб бориб, айни пайтда Макка ва Мадина шаҳарларидаги меҳмонхоналарда, шунингдек, Мино, Арафот, Муздалифа манзилларида бўлиб, юртдошларимиз учун барча шароитларни ҳозирлаш бўйича тегишли чора-тадбирларни амалга оширмоқдалар.

Шунингдек, ўзбекистонлик зиёратчилар учун ажратилган меҳмонхоналар шай ҳолатга келтирилган ҳамда юртдошларимизни кутиб олиш бўйича барча зарурий ишлар амалга оширилди.

Жорий йилнинг 23 майдан 7 июнь кунига қадар республиканинг 10 та ҳудудий халқаро аэропорти: Тошкент, Наманган, Фарғона, Қарши, Термиз, Самарқанд, Бухоро, Навоий, Урганч, Нукус шаҳарлари орқали ҳожиларни Мадина шаҳрига юбориш ҳамда 22 июндан 12 июлга қадар Жидда шаҳридан Ўзбекистонга олиб келиш ишлари амалга оширилади.

Маълумот учун: зиёратчиларимиз Мадина шаҳрида “Масжиди Набавий”дан 100 метр узоқликда жойлашган
5 юлдузли “Зам-зам Пуллман” меҳмонхонасида, Макка шаҳрида эса “Abraj al-Dana”, “Al-Ayam Elite”, “Dali Hotel”, “Najma Al-Saad”, “Open Hotel”, “Shueae Nozha Hotel”, “Ayed Al-Saha” меҳмонхоналарида истиқомат қиладилар.

Ҳаж мавсумида ўзбекистонлик зиёратчиларга хизмат кўрсатиш, ибодатларни эмин-эркин ҳамда тўла-тўкис амалга оширишлари учун юқори малакали Ишчи гуруҳи, шифокорлар, ошпазлар ва гуруҳ раҳбарлари жалб этилади.
〰️〰️〰️〰️〰️

⚠️ Саудия Арабистони Подшоҳлиги томонидан белгиланган тартибга мувофиқ Ҳаж амалларини бажариш учун зиёратчида “Ҳаж-2024” визаси бўлиши шарт.

Саудия Арабистони ҳукумати қолган барча турдаги визалар - умра, туризм, бизнес, зиёрат ва бошқалар билан ҳаж тадбирини амалга оширишга қатъий йўл қўймаслигини эслатиб ўтамиз.

Telegram | Facebook | Instagram | Youtube | Медиабанк